Басты бет > Білім > ШЫМКЕНТТІК КІТАПХАНАЛАРДА СЫБАЙЛАС ЖЕМҚОРЛЫҚҚА ҚАРСЫ БҰРЫШТАР АШЫЛДЫ

ШЫМКЕНТТІК КІТАПХАНАЛАРДА СЫБАЙЛАС ЖЕМҚОРЛЫҚҚА ҚАРСЫ БҰРЫШТАР АШЫЛДЫ

ТМД елдерінің 2020  жылғы астанасы Шымкент қаласында жас ұрпақты тәрбиелеуде кітапхананың орны ерекше. Бүгінгі жастар ертеңгі елдің болашағы. Болашақ мамандардың заман талабына сай тұлға болып қалыптасуына қажетті ресурсты кітапханадан табуға болады.Сыбайлас жемқорлықтың алдын алу арқылы қоғамдағы мәдени үйлесіміді жаңғырту керек екендігін келешек ұрпақ санасында өте жақсы ұстауы қажет.
Осы орайда, «Шымкент-адалдық алаңы» жобалық кеңсесінің бастамасымен Шымкент қаласындағы 5 кітапханада, атап айтқанда, «Отырар» қалалық ғылыми-әмбебап кітапханасында, қалалық орталықтандырылған көпшілік кітапханалар жүйесі, орталықтандырылған балалар кітапханалар жүйесі, қалалық жасөспірімдер және қалалық көзi көрмейтiн және әлсiз көретiн азаматтарға арналған арнайы кiтапханаларда сыбайлас жемқорлыққа қарсы бұрыштар ашылды.
Аталған бұрыштарға осы тақырыптағы түрлі газет, журналдар, кітаптар қойылып, оқырманның сыбайлас жемқорлықтың алдын алу, парасаттылық, адалдық құндылықтарын қалыптастыру тақырыптарындағы материалдарды бір жерден алуына мүмкіндік берді. Яғни, оқырмандар ақпаратты іздеп жүрмей, қажетті мәліметтер қолжетімді әрі адамдардың уақытын үнемдейтін болады.

Медиаон ақпарат