Басты бет > Хабар > СОЗАҚ АУДАНЫНА ЖАҢА ӘКІМ ТАҒАЙЫНДАЛДЫ

СОЗАҚ АУДАНЫНА ЖАҢА ӘКІМ ТАҒАЙЫНДАЛДЫ

Қазақстан Республикасы Президенті Әкімшілігінің келісімі және Созақ аудандық мәслихатының келісімі бойынша Оңтүстік Қазақстан облысы әкімінің өкімімен Созақ ауданының әкімі болып Салыхан Сабырұлы Полатов тағайындалды.

Аудан активіне ауданның жаңа басшысын облыс әкімінің бірінші орынбасары Дархан Сатыбалды таныстырды.

С.Полатов 1959 жылы туылған, білімі жоғары, мамандығы бойынша біліктілігі – инженер-металлург, экономист.

Еңбек жолын 1982 жылы Манкентживмаш зауытының инженер-технологы болып бастаған. 1983-2005 жылдары Шымкент қорғасын зауытының балқытушысы, аға мастері, «Шымкент қорғасын зауыты» АҚ басқарма бастығының орынбасары, атқарушы директорының коммерция бойынша орынбасары, «Южполиметалл» ЖАҚ директорының орынбасары болып еңбек еткен. 2005-2016 жылдары Оңтүстік Қазақстан облысы  жұмылдыру дайындығы, азаматтық қорғаныс, авариялар мен дүлей апаттардың алдын алуды және жоюды ұйымдастыру басқармасы бастығының орынбасары,  Шымкент қаласы әкімінің орынбасары, Отырар ауданының әкімі, Оңтүстік Қазақстан облысы әкімінің кеңесшісі лауазымдарын атқарған.

2016 жылдың сәуір айынан бастап Оңтүстік Қазақстан облысы құрылыс басқармасының басшысы болып қызмет етіп келді.

 

ОҚО әкімінің баспасөз қызметі

Добавить комментарий

Ваш e-mail не будет опубликован.